தூத்துக்குடியில் அண்ணா தொழிற்சங்கம் சார்பாக முன்னாள் முதல்வர் ஜெயலலிதாவின் 77வது பிறந்த நாள் விழா கொண்டாடப்பட்டது.
மறைந்த முன்னாள் முதல்வரும், அதிமுக பொதுச்செயலாளராக இருந்தவருமான ஜெயலலிதாவின் 77-வது பிறந்தநாள் விழா இன்று கொண்டாடப்பட்டு வருகிறது. இந்நிலையில், தூத்துக்குடியில் அரசு போக்குவரத்து கழகம் நகர பணிமனையில் அண்ணா தொழிற்சங்கம் சார்பாக ஜெயலலிதாவின் பிறந்த நாள் விழா கொண்டாடப்பட்டது.
முன்னதாக அண்ணா தொழிற்சங்க கொடியை ஏற்றி வைத்து, ஜெ. உருவ படத்திற்கு மரியாதை செலுத்தப்பட்டது. விழாவில் தூத்துக்குடி மண்டல நிர்வாகி ராமசாமி, கிளை நிர்வாகிகள் ஆதிராஜ், வெள்ளையா, முத்துகிருஷ்ணன், முருகவேல், சண்முகராஜ், தொப்பை, கணபதி, முருகேசன், இ.பேச்சிமுத்து, ராமசாமி உட்பட பலர் கலந்து கொண்டனர். மேலும், அண்ணா தொழிற்சங்க சார்பாக அனைத்து தொழிலாளர்களுக்கும் உணவு வழங்கப்பட்டது.
