பசுவந்தனை அருகில் வீட்டில் கூடுகட்டி இருந்த கடந்தை வண்டுகளை தீயணைப்பு வீரர்கள் அகற்றினர்.
தூத்துக்குடி மாவட்டம், பசுவந்தனை அருகில் செவல்பட்டி கிராமத்தில் மகேந்திரன் என்பவரது வீட்டில் கடந்தை வண்டுகள் கூடுகட்டி வீட்டில் இருந்தவர்களையும், அக்கம்பக்கத்தாரையும் அச்சுறுத்தி வந்தது. இதுகுறித்து வீட்டின் உரிமையாளர் ஓட்டப்பிடாரம் தீயணைப்பு மீட்புப் பணி நிலையத்திற்கு தகவல் தெரிவித்தார்
இதையடுத்து ஓட்டப்பிடாரம் நிலைய அலுவலர் த.கார்த்திகேயன் தலைமையில் தீயணைப்பு வீரர்கள் ஸ்தலத்திற்கு சென்று கடந்தை வண்டுகள் கூட்டினை தீப்பந்தம் மூலம் அகற்றினர். பொதுமக்களுக்கு அச்சுறுத்தல் தந்த கடந்தை வண்டுகளை அகற்றிய தீயணைப்பு வீரர்களை அப்பகுதி மக்கள் பாராட்டினர்.
