தூத்துக்குடியில் மளிகை கடையின் பூட்டை உடைத்து ரூ.25ஆயிரம் மதிப்புள்ள பணம், மற்றும் பொருட்களை மர்ம நபர்கள் திருடிச் சென்றுள்ளனர்.
தூத்துக்குடி விஎம்எஸ் நகரைச் சேர்ந்தவர் கந்தவேல் மகன் அழகுமுருகன் (47). இவர் அப்பகுதியில் மளிகை கடை நடத்தி வருகிறார். நேற்று அதிகாலை 2:45 மணிக்கு மர்ம நபர்கள் பூட்டை உடைத்து உள்ளே சென்று 10ஆயிரம் ரொக்கபணம் மற்றும் 15 ஆயிரம் மதிப்புள்ள பொருள்களை திருடி சென்றுள்ளனர். இது தொடர்பாக சிப்காட் காவல் நிலையத்தில் நேற்று இரவு புகார் அளிக்கப்பட்டுள்ளது.
இந்த நிலையில் நேற்று இரவு 1-00 மணி அளவில் சின்னக்கண்ணுபுரம் பகுதியில் உள்ள ஆழ்வார் மளிகை கடையில் மர்ம நபர்கள் திருட முயன்றுள்ளனர். தொடர் திருட்டு சம்பவங்களை தடுக்க காவல் துறையினர்களை நடவடிக்கை எடுக்க வேண்டும் என்று மீளவிட்டான் மெயின் ரோடு வியாபாரிகள் நல சங்கத்தினர் கோரிக்கை விடுத்துள்ளனர்.
