தமிழக சட்டமன்றத் தேர்தல் நெருங்கி வரும் சூழலில், தூத்துக்குடி மாவட்டத்தில் உள்ள சட்டமன்றத் தொகுதிகளுக்கான தமிழக வெற்றிக் கழகத்தின் உத்தேச வேட்பாளர்கள் பட்டியல் குறித்த தகவல்கள் தற்போது வெளியாகியுள்ளன.
தூத்துக்குடி சட்டமன்றத் தொகுதியில் தமிழக வெற்றிக் கழகத்தின் சார்பில் அக்கட்சியின் தலைவர் விஜய்யின் நெருங்கிய நண்பரும், நகைச்சுவை நடிகருமான ஸ்ரீநாத் போட்டியிட வாய்ப்புள்ளதாகத் தெரிகிறது. முன்னதாக, இத்தொகுதியில் அஜிதா ஆக்னல் மற்றும் எஸ்டிஆர் சாமுவேல் ராஜா ஆகியோரின் பெயர்கள் பரிசீலனையில் இருந்த நிலையில், தற்போது ஸ்ரீநாத் போட்டியிடுவதற்கான சாத்தியக்கூறுகள் அதிகரித்துள்ளன.
இதுபோல் திருச்செந்தூரில் ஜேகேஆர் முருகன் முருகன், ஸ்ரீவைகுண்டத்தில் அன்னை சரவணன், ஓட்டப்பிடாரத்தில் மதன்ராஜ், விளாத்திகுளத்தில் மகேஷ்வர் ஆகியோர் வேட்பாளர்களாக அறிவிக்கப்பட வாய்ப்புள்ளதாக உள்ளதாக தகவல் வெளியாகி உள்ளது. இது அதிகாரப்பூர்வமான பட்டியல் அல்ல என்பதும், கட்சித் தலைமை விரைவில் இது குறித்த முறையான அறிவிப்பை வெளியிடும் என்றும் எதிர்பார்க்கப்படுகிறது.
