கோவில்பட்டி அருகே இளம்பெண்ணிடம் செல்போன் பறித்துச் சென்ற வாலிபரை போலீசார் கைது செய்தனர்.
சிவகாசி அய்யனார் காலனியைச் சேர்ந்த ஹரிஹர சுதன் மனைவி பவித்ரா (21). இவர், சம்பவத்தன்று நாலாட்டின் புதூர் அருகே அணுகு சாலையில் உள்ள டீக்கடை அருகே நின்று கொண்டிருந்த போது, பைக்கில் வந்த மர்ம நபர், பவித்ரா கையில் வைத்திருந்த செல்போனை பறித்துக் கொண்டு சென்று விட்டாராம்.
இதுகுறித்து அவர் நேற்று அளித்த புகாரின் பேரில், நாலாட்டின்புதூர் போலீசார் வழக்குப் பதிந்து, செல்போனை பறித்துச் சென்ற நாலாட்டின்புதூர் ஆர்.சி .தெருவைச் சேர்ந்த நீதி மகன் திலீபனை (33) கைது செய்து, அவரிடமிருந்து செல்போனை பறிமுதல் செய்தனர்.
