தூத்துக்குடியில் பிரதான சாலையில் போக்குவரத்திற்கு இடையூறாக உள்ள குழியை மூட வேண்டும் என பொதுமக்கள் கோரிக்கை விடுத்துள்ளனர்.
தூத்துக்குடி புதிய பேருந்து நிலையத்திலிருந்து பஸ்கள் வெளியே செல்லும் வழியில் மேம்பாலம் அருகில் நடுரோட்டில் ஒரு ராட்சச பள்ளம் உள்ளது. மேலும், அதன் மேல் ஒரு பெரிய சிமெண்ட் குழாயை நட்டு வைத்துள்ளனர்.
இதனால் புதிய பேருந்து நிலையத்திலிருந்து எட்டயபுரம் மார்க்கமாக செல்லும் பேருந்துகள் செல்வதில் சிரமம் ஏற்படுகிறது. பஸ்ஸை வலது பக்கமாக திரும்பி செல்லும் போது பாலத்தில் இருந்து வரும் வாகனங்களுடன் மோதி விபத்துகள் ஏற்படும் அபாய நிலை உள்ளது. இது தொடர்பாக மாநகராட்சி நிர்வாகம் உடனடியாக நடவடிக்கை எடுத்து குழியை மூட வேண்டும் என்று பயணிகள் கோரிக்கை விடுத்துள்ளனர்.
