தூத்துக்குடியில் டாஸ்மாக் முன்பு போராட்டம் நடத்திய பாஜக பிரமுகர் காசிலிங்கத்தை போலீசார் கைது செய்தனர்.
டாஸ்மாக் மற்றும் அதனுடன் தொடர்புடைய மது ஆலைகளில் கடந்த 6-ம் தேதி முதல் 3 நாட்கள் நடத்தப்பட்ட சோதனைகள் தொடர்பாக அமலாக்கத்துறை வெளியிட்ட செய்திக்குறிப்பில், தமிழ்நாட்டில் அரசு மதுக்கடைகளை நடத்தும் டாஸ்மாக் நிறுவனத்திலும், மது ஆலைகளிலும் நடத்தப்பட்ட சோதனைகளில் ரூ.1,000 கோடி அளவுக்கு ஊழல் உள்ளிட்ட பல்வேறு முறைகேடுகள் நடைபெற்றிருப்பதாக அமலாக்கத்துறை தெரிவித்திருக்கிறது.
ரூ.1,000 கோடி டாஸ்மாக் ஊழல் தொடர்பாக, தி.மு.க. அரசுக்கு எதிராக பல்வேறு நகரங்களில் ஆர்ப்பாட்டங்களை நடத்த பா.ஜ.க. தலைவர்கள், நிர்வாகிகள் திட்டமிட்டு உள்ளனர். இந்த சூழலில், முன்னெச்சரிக்கை நடவடிக்கையாக, அக்கட்சியை சேர்ந்த பா.ஜ.க. மூத்த தலைவர் தமிழிசை சவுந்தரராஜன், எச். ராஜா உட்பட முக்கிய பிரமுகர்கள் பலர் இன்று காலை முதல் வீட்டு காவலில் வைக்கப்பட்டதாக தகவல் வெளியானது
இந்தநிலையில், தூத்துக்குடி மார்க்கெட் அருகில் உள்ள டாஸ்மாக் முன்பு போராட்டம் நடத்திய பாஜக பிரமுகர் காசிலிங்கம் என்பவரை காவல்துறையினர் கைது செய்து மத்திய பாகம் காவல்நிலையத்தில் வைத்துள்ளனர்.
