திருச்செந்தூரில் 4வது மாடியில் இருந்து கீழே தவறி விழுந்து வடை மாஸ்டர் பரிதாபமாக உயிரிழந்தார்.
திருச்செந்தூர் மணல்மேடு சுப்பிரமணியபுரத்தை சேர்ந்தவர் காசி மகன் மோகன் (50), இவருக்கு திருமணமாகி சங்கரேஸ்வரி என்ற மனைவியும் இரண்டு மகள்களும் உள்ளனர். இவர் திருச்செந்தூர் கோவில் வளாகத்தில் உள்ள ஒரு ஹோட்டலில் வடை மாஸ்டராக வேலை பார்த்து வருகிறார். நேற்று இரவு வேலை முடிந்ததும் ஓட்டலில் உள்ள 4வது மாடியில் வைத்து மதுபானம் குடித்தாராம்.
மது போதையில் அவர் 4வது மாடியில் இருந்து கீழே விழுந்தாராம். இதில் பலத்த காயம் அடைந்த அவர் சம்பவ இடத்திலேயே உயிரிழந்தார். இதுகுறித்து தகவல் அறிந்து திருச்செந்தூர் தாலுகா காவல் நிலைய போலீசார் சம்பவ இடத்திற்கு சென்று உடலை மீட்டு பரிசோதனைக்கு அனுப்பி வைத்தனர். மேலும் இது சம்பந்தமாக வழக்கு பதிவு செய்து விசாரணை நடத்தி வருகிறார்கள்.
