தூத்துக்குடி மாவட்ட பி.எஸ்.என்.எல். சார்பில் நுகர்வோர் விழிப்புணர்வு நிகழ்ச்சி பி.எஸ்.என்.எல். அலுவலக கூட்டரங்கில் நடைபெற்றது.
நிகழ்ச்சியை தொலை தொடர்பு பொது மேலாளர் கிருஷ்ணகுமார் தலைமை தாங்கி துவக்கி வைத்தார். தூத்துக்குடி மாவட்ட நுகர்வோர் குறைதீர் ஆணைய உறுப்பினர் ஆ.சங்கர் சிறப்பு அழைப்பாளராக கலந்து கொண்டு பி.எஸ்.என்.எல். சேவையை பாராட்டி பேசினார். அதோடு ஆன்லைனில் பணம் செலுத்தும் போது ஏற்படும் குறைகளை நிவர்த்தி செய்யுமாறும் கேட்டுக் கொண்டார்.
உதவி பொது மேலாளர்கள் ஆறுமுகசாமி மற்றும் சாந்தி ஆகியோர் பி.எஸ்.என்.எல். சேவை குறித்து பேசினர். துணை பொது மேலாளர் லிங்க பாஸ்கர் பி.எஸ்.என்.எல். திட்டங்கள் குறித்து பேசினார். முன்னதாக பி.எஸ்.என்.எல். அலுவலர் சேர்மதுரை வரவேற்புரை ஆற்றினார். நேதாஜி நன்றியுரை கூறினார். நிகழ்ச்சிகளை பி.எஸ்.என்.எல். அலுவலர் எஸ்கலின் தொகுத்து வழங்கினார். இதில் ஏராளமான தொலை தொடர்பு துறை நுகர்வோர்கள் கலந்து கொண்டனர்.
