பேய்க்குளத்தில் பைக் மீது லோடு வேன் மோதிய விபத்தில் மீன் வியாபாரி பரிதாபமாக உயிரிழந்தார்.
தூத்துக்குடி மாவட்டம் பேய்க் குளம் அருகே உள்ள அருளூர் கிராமத்தைச் சேர்ந்தவர் சா. பொன்னையா (65). மீன் வியாபாரம் செய்து வந்தார். நேற்று இவர், பேய்க்குளத்தில் இருந்து முனைஞ்சிபட்டி சாலையில் இருசக்கர வாகனத்தில் சென்று கொண்டிருந்தாராம். வலது பக்கமாக இருசக்கர வாகனத்தை அவர் திருப்பியதாக தெரிகிறது.
அப்போது ஆரல்வாய்மொழியைச் சேர்ந்த க. அருள்நாதன் (29) ஓட்டி வந்த லோடு வேன், பொன்னையாவின் இருசக்கர வாகனத்தின் மீது மோதியது. இதில் பலத்த காயமடைந்த பொன்னையா சம்பவ இடத்திலேயே உயிரிழந்தார். இது குறித்து சாத்தான்குளம் போலீசார் வழக்குப் பதிந்து லேடு வேன் டிரைவரிடம் விசாரணை நடத்தி வருகின்றனர்.
