கோவில்பட்டியில் பைக் டேங்க் கவரில் வைத்திருந்த செல்போனை திருடிய வாலிபரை போலீசார் கைது செய்தனர்.
தூத்துக்குடி மாவட்டம், கோவில்பட்டி இந்திரா நகர் 2ஆவது தெருவைச் சேர்ந்த கனகராஜ் மகன் சரவணகுமார் (23). எலக்ட்ரீஷியனான இவர், நேற்று கிழக்கு பார்க் சாலை அருகே தனது பைக்கின் பெட்ரோல் டேங்க் கவரில் கைப்பேசியை வைத்துவிட்டு அருகேயுள்ள கடைக்குச் சென்றார்.
அப்போது, கைப்பேசியை ஓர் வாலிபர் திருடிக்கொண்டு ஓடினாராம். சரவணகுமார் அப்பகுதியினரின் உதவியுடன் அவரைப் பிடித்து மேற்கு காவல் நிலையத்தில் ஒப்படைத்தார். அந்த வாலிபர் விருதுநகர் மாவட்டம் சாத்தூர் அருகே படந்தாலைச் சேர்ந்த அருணாசலம் மகன் முத்துராஜா (19) எனத் தெரியவந்தது. அவரை போலீசார்கைது செய்தனர்.
