தைப்பூசத்தை முன்னிட்டு தூத்துக்குடியில் சிவன் கோவிலில் உள்ள சுப்பிரமணிய சுவாமி மற்றும் பாலமுருகன் சன்னதியில் சிறப்பு பூஜைகள் நடைபெற்றது. திரளான பக்தர்கள் சுவாமி தரிசனம் செய்தனர்
தூத்துக்குடியில், பிரசித்தி பெற்ற சிவன் கோவில் எனப்படும் அருள்மிகு பாகம்பிரியாள் உடனுறை சங்கரராமேஸ்வரா் கோயிலில் அமைந்துள்ள சுப்பிரமணிய சுவாமி மற்றும் பாலமுருகன் சன்னதியில் தைப்பூசத் திருவிழாவை முன்னிட்டு இன்று காலை சிறப்பு பூஜைகள் நடைபெற்றது.
சுப்பிரமணிய சுவாமி சன்னதியில் முருகப் பெருமான் வள்ளி தெய்வானையுடன் பக்தர்களுக்கு காட்சியளித்தார். பக்தர்கள் அரளி மாலையை காணிக்கையாக செலுத்தி விளக்கேற்றி வழிபாடு நடத்தினர். இதேபோன்று பாலமுருகன் சன்னதியிலும் விளக்கேற்றி வழிபாடு நடத்தினர் முருகப் பெருமானுக்கு சிறப்பு பூஜைகள் நடைபெற்றன. விழாவில் திரளான பக்தர்கள் சுவாமி தரிசனம் செய்தனர்.
