தூத்துக்குடி சண்முகபுரம் கோவிலில் வரலட்சுமி பூஜை

தூத்துக்குடி சண்முகபுரம் பத்திரகாளியம்மன்  கோவிலில் வரலட்சுமி பூஜை நடைபெற்றது.

ஆடி மாதப் பண்டிகைகளில் மிகவும் விசேஷமான பண்டிகை வரலட்சுமி நோன்பு ஆகும். அத்தகைய சிறப்பு மிக்க வரலட்சுமி நோன்பு தூத்துக்குடி சண்முகபுரம் இந்து நாடார் உறவினர் முறைக்கு பாத்தியப்பட்ட பத்திரகாளியம்மன் கோவிலில் நேற்று நடந்தது.

நிகழ்ச்சியை முன்னிட்டு 351 திருவிளக்கு பூஜை நடைபெற்றது. மேலும், அம்மனுக்கு சிறப்பு அலங்காரம், அபிஷேகம், தீபாராதனைகள் நடந்தன. மேலும் சிறப்பு திருவிளக்கு பூஜை நடத்தப்பட்டது. நிகழ்ச்சியில் திரளான பெண்கள் கலந்து கொண்டு அம்மனை வழிபட்டனர். திருவிளக்கு பூஜைக்கான ஏற்பாடுகளை கோவில் நிர்வாகத்தினர் செய்திருந்தனர்.