முதல்வர் மு.க ஸ்டாலின் பிறந்தநாளையொட்டி வேதகோட்டைவிளையில் பொதுமக்களுக்கு கறி விருந்து அன்னதானம் நடைபெற்றது.
தூத்துக்குடி மாவட்டம் உடன்குடி ஒன்றியம் வேத கோட்டைவிளையில் திமுக தலைவரும் முதலமைச்சருமான மு.க.ஸ்டாலின் 72வது பிறந்தநாளை யொட்டி தெற்கு மாவட்ட செயலாளரும் மீன்வளம் மீனவர் நலன் கால்நடை பராமரிப்பு துறை அமைச்சருமான அனிதா ராதாகிருஷ்ணன் ஆலோசனை படி கட்சி கொடியேற்றி பொதுமக்களுக்கு சிறப்பு கறிவிருந்து அன்னதானம் நடைபெற்றது.
நிகழ்ச்சிக்கு உடன்குடி மேற்கு ஒன்றிய திமுக செயலாளர் பாலசிங் தலைமை தாங்கி அன்னதானத்தை தொடங்கி வைத்தார். நிகழ்ச்சியில் உடன்குடி பேரூராட்சி கவுன்சிலர் ஜான்பாஸ்கர், கிளை செயலாளர்கள் ஞானதாஸ், ஞானியார் குடியிருப்பு ரமேஷ், திருச்செந்தூர் சட்டமன்ற தொகுதி சமூக வலைத்தள ஒருங்கிணைப்பாளர் மானாடு பாலமுருகன், திமுக இளைஞரணி எப்ராஹிம்சீலன், ஒன்றிய பிரதிநிதி கனகராஜ், ஸ்டீபன், ஸ்ரீதர் உள்பட திமுக நிர்வாகிகள் பொதுமக்கள் பலர் கலந்து கொண்டனர்.
