தூத்துக்குடியில் திருட்டு வழக்கில் 5 வாலிபர்களை போலீசார் கைது செய்தனர்.
தூத்துக்குடி தாளமுத்துநகர் மேற்கு காமராஜ நகரைச் சேர்ந்தவர் செல்லத்துரை மகன் பொன்னுச்சாமி (43) இவர் தனது வீட்டு வேலைக்காக வைத்திருந்த இரும்பு பைப் தகரம் ஆகியவற்றை கடந்த 6ம் தேதி இரவு மர்ம ஆசாமிகள் திருடி சென்று விட்டனர். இதன் மதிப்பு ரூபாய் 10. ஆயிரம்ஆகும். இதுகுறித்து அவர் தாளமுத்து நகர் காவல் நிலையத்தில் புகார் செய்தார்.
புகாரின் பேரில் சப் இன்ஸ்பெக்டர் சுந்தர் வழக்கு பதிவு செய்து விசாரணை நடத்தி அதே பகுதியைச் சேர்ந்த கந்தன் மகன் சிவசூரியா (18), ஜெயபாண்டி மகன் கார்த்திகேயன் (25), மாரியப்பன் மகன் கார்த்திக் ராஜா (20), கோமதி சங்கர் மகன் மாரிதாஸ் (21), பாரதி நகர் முதல் தெருவைச் சேர்ந்த சுரேஷ் மகன் தினேஷ் (19) ஆகிய 5 பேரையும் கைது செய்து திருடப்பட்ட பொருட்களை பறிமுதல் செய்தனர்.
