தூத்துக்குடியில் கார் மீது கலவை இயந்திரம் மோதல்: ஒருவர் காயம்!

தூத்துக்குடியில், திருச்செந்தூர் ரோடு அன்னம்மாள் கல்லூரி அருகே கார் மீது சரக்கு வாகனத்துடன் இணைக்கப்பட்டிருந்த கலவை எந்திரம் மோதி விபத்துக்குள்ளானது. இதில் காரில் பள்ளிக் குழந்தைகளை அழைத்து வந்த நபர் படுகாயம் ஏற்பட்டு மருத்துவமனையில் அனுமதிக்கப்பட்டுள்ளார். நல்வாய்ப்பாக காரில் இருந்த குழந்தைகளுக்கு எந்த காயமும் ஏற்படவில்லை. விபத்து குறித்து காவல்துறையினர் விசாரணை நடத்தி வருகின்றனர்.

இதுபோல நிகழ்வுகள் தொடர் கதையாகவே நடந்து வருகிறது காலை 8 மணிக்கு பிறகு கனரக வாகனங்கள் நகருக்குள் அனுமதி கிடையாது. ஆனால் பள்ளி செல்லும் நேரத்தில் அதிகமான சரக்கு வாகனங்கள் நகருக்குள் வந்து செல்வதால் விபத்துக்கள் ஏற்படுகிறது. எனவே, தடை செய்யப்பட்ட நேரங்களில் சரக்கு வாகனங்கள் வருவதை கண்காணிக்க காவல்துறை நடவடிக்கை எடுக்க வேண்டும் என்று சமூக ஆர்வலர்கள் கோரிக்கை விடுத்துள்ளனர்.