தூத்துக்குடியில் பாரதிய ஜனதா கட்சி அலுவலகத்தில் முறைகேடாக பெறப்பட்ட குடிநீர் இணைப்பை மாநகராட்சி அதிகாரிகள் துண்டித்தனர்.
தூத்துக்குடியில் எட்டயபுரம் ரோட்டில் மச்சாது நகர் பகுதியில் உள்ள பாரதிய ஜனதா கட்சி தெற்கு மாவட்ட அலுவலகம் உள்ளது. இந்த அலுவலகம் கட்டி சுமார் மூன்று வருடங்களுக்கு மேல் ஆகிறது. இன்று காலை வாட்டர் சப்ளை ஆய்வாளர் குமார் தலைமையிலான மாநகராட்சி அதிகாரிகள் சோதனை செய்து அங்கு முறைகேடாக குடிநீர் இணைப்பு இணைக்கப்பட்டுள்ளது என்று கூறி அந்த இணைப்பை துண்டித்துள்ளார்.
பாரதிய ஜனதா கட்சி அலுவலக கட்டிடத்திற்கு இதுவரை அனுமதி பெறவில்லை என்றும், அரசாங்கத்திற்கு கட்டிட வரி எதுவும் செலுத்தவில்லை என்றும் கூறப்படுகிறது. இது சம்பந்தமாக மாநகராட்சி துணை ஆணையர் சுரேஷ் தலைமையிலான அதிகாரிகள் ஆய்வு நடத்தி வருகின்றனர்.
