திருச்செந்தூரில், வணிக நிறுவனங்களில் ஆய்வு செய்த அதிகாரிகள் 170 கிலோ பாலித்தீன் பொருள்களை பறிமுதல் செய்தனர்.
தூத்துக்குடி மாவட்ட ஆட்சியர் க. இளம்பகவத்தின் உத்தரவு, திருச்செந்தூர் நகராட்சி ஆணையர் கண்மணியின் வழிகாட்டுதல் ஆகியவற்றின் பேரில், நகராட்சி சுகாதார ஆய்வாளர் முத்துக்குமார் தலைமையில் நகராட்சிப் பணியாளர்கள், சுகாதார மேற்பார்வையாளர்கள் கணேசன், முருகன், தமிழரசி, தூய்மை இந்தியா திட்டப் பணியாளர்கள் வணிக நிறுவனங்களில் ஆய்வு மேற்கொண்டனர்.
இதில், 170 கிலோ பாலித்தீன் பொருள்களைப் பறிமுதல் செய்து, வணிக நிறுவனங்களுக்கு அபராதம் விதித்தனர். தடை செய்யப்பட்ட பாலித்தீன் பொருள்களைப் பயன்படுத்தக் கூடாது என எச்சரிக்கை விடுத்தனர்.
