தூத்துக்குடி ரயில் நிலையத்தில் முத்துநகர் எக்ஸ்பிரஸ் 2வது பிளாட்பாரத்தில் நிறுத்தப்படுவதால் பயணிகள் கடும் அவதிக்குள்ளாகி வருகின்றனர்.
தூத்துக்குடியில் இருந்து சென்னைக்கு தினசரி இரவு 8.40 மணிக்கு முத்துநகர் எக்ஸ்பிரஸ் புறப்படுகிறது. இதுபோல் சென்னையில் இருந்து 7.30 மணிக்கு புறப்பட்டு மறுநாள் காலை 6 மணிக்கு தூத்துக்குடி ரயில் நிலையத்துக்கு வருகிறது. இதில் சுமார் 1300க்கும் மேற்பட்ட பயணிகள் பயணம் செய்கிறார்கள். இதில் முதியோர்கள் அதிக அளவில் பயணம் செய்கிறார்கள்.
முத்துநகர் எக்ஸ்பிரஸ் ரயில் தூத்துக்குடிக்கு வரும் போது இரண்டாவது பிளாட்பாரத்தில் நிறுத்தப்படுகிறது. இதனால் பயணிகள் ரயிலை விட்டு இறங்கி முதல் பிளாட்பாரத்திற்கு சுமார் 100 படிகள் ஏறி இறங்கும் நிலை ஏற்பட்டுள்ளது. இதனால் வயதானவர்கள் கடும் அவதிக்குள்ளாகின்றன. எனவே, முத்துநகர் எக்ஸ்பிரஸ் ரயிலை வழக்கம் போல் முதல் பிளாட்பாரத்தில் நிறுத்த வேண்டும் என்று பயணிகள் கோரிக்கை விடுத்துள்ளனர்.
