ஸ்ரீவைகுண்டம் அருகே கல்குவாரி குட்டையில் மிதந்த பெண் சடலத்தை மீட்டு போலீசார் விசாரணை நடத்தி வருகின்றனர்.
தூத்துக்குடி மாவட்டம், ஸ்ரீவைகுண்டம் அருகே பத்மநாபமங்கலம் கிராமத்தில் செயல்படாத கல்குவாரி ஒன்று உள்ளது. இந்த குவாரி குட்டையில் 45 வயது மதிக்கத்தக்க பெண் சடலம் கிடைப்பதாக ஸ்ரீவைகுண்டம் போலீசாருக்கு தகவல் கிடைத்தது. இதையடுத்து இன்ஸ்பெக்டர் பத்மநாப பிள்ளை மற்றும் போலீசார் சம்பவ இடத்திற்கு விரைந்து சென்றனர்.
பின்னர் அந்த பெண் உடலை பரிசோதனைக்கு ஸ்ரீவைகுண்டம் அரசு மருத்துவமனைக்கு அனுப்பி வைத்தனர். அவர் யார்? எந்த ஊரைச் சேர்ந்தவர் என்பது உடனடியாக தெரியவில்லை. இறந்து கிடந்த பெண்ணின் உடல் அழுகிய நிலையில் இருந்தது. அவர் இறந்து 3 நாட்கள் இருக்கும். அவர் தற்கொலை செய்து கொண்டாரா? அல்லது வேறு எதுவும் காாரணம் உள்ளதா என போலீசார் வழக்குப் பதிந்து விசாரணை நடத்திவருகின்றனர்.
