தூத்துக்குடி மாநகராட்சி அலுவலகத்தில் தூய்மை பணியாளர்கள் முற்றுகை போராட்டம் நடத்தியதால் பரபரப்பு ஏற்பட்டது.
தூத்துக்குடியில் தூய்மை பாரத இயக்கம் ஓட்டுநர்கள் பணியாளர் நல சங்கத்தின் மாவட்டத் தலைவர் பொன்ராஜ் என்பவரை மாநகராட்சி ஒப்பந்ததாரரான அவர்லேண்ட் நிறுவனம் பணியிடை நீக்கம் செய்ததற்கு எதிர்ப்பு தெரிவித்து மாநகராட்சியில் உள்ள அனைத்து குப்பை வண்டிகளுடன், தூய்மைப் பணியாளர்கள் மாநகராட்சி அலுவலகத்தில் முற்றுகை போராட்டம் நடத்தினர்.
இதில் தொழிற்சங்க நிர்வாகிகள் சகாயம், முருகன், தோழர் சிவராமன், பாலமுருகப் பெருமாள், முருகன், நல்லமுத்து கருப்பசாமி மற்றும் தூய்மை பணியாளர்கள் கலந்து கொண்டனர். அவர்களிடம் மாநகராட்சி அதிகாரிகள் பேச்சுவார்த்தை நடத்தினர். இதையடுத்து போராட்டத்தை தூய்மைப் பணியாளர்கள் கைவிட்டனர்.
