தூத்துக்குடியில் இரயில்வே குடியிருப்பில் வீட்டிற்குள் நுழைந்த 3 அடி நீளமுள்ள கொம்பேறி மூக்கன் பாம்பை தீயணைப்பு வீரர்கள் பத்திரமாக மீட்டனர்.
தூத்துக்குடி இரயில்வே குடியிருப்பில் பிரம்ம முத்து என்பவரது வீட்டினுள் பாம்பு புகுந்து விட்டது. பாம்பை கண்டதும் வீட்டில் இருந்தவர்கள் பதறி அடித்து வீட்டை விட்டு வெளியே வந்து சிப்காட் தீயணைப்பு நிலையத்திற்கு தகவல் கொடுத்தனர். இதையடுத்து தீயணைப்பு நிலைய அலுவலர் த.கார்த்திகேயன் தலைமையில் தீயணைப்பு வீரர்கள் விரைந்து வந்து வீட்டினுள் பதுங்கி இருந்த 3 அடி நீளமுள்ள கொம்பேறி மூக்கன் பாம்பை லாவகமாக மீட்டு வனப் பகுதியில் கொண்டு விட்டனர். இதனால் இரயில்வே குடியிருப்பு வாசிகள் நிம்மதி அடைந்தனர்.
