தூத்துக்குடியில் பெய்த கன மழையால் மாவட்ட விளையாட்டு மைதானம் தண்ணீர் தேங்கி கடல் போல் காட்சி அளிக்கிறது.
தூத்துக்குடி மாவட்டத்தில் 2 நாட்கள் மிக கனமழை பெய்யும் என்று வானிலை ஆய்வு மையம் ஆரஞ்சு நிற எச்சரிக்கை விடுத்திருந்தது. இந்த நிலையில் தூத்துக்குடியில் நேற்று மாலை முதல் மாவட்டத்தின் பல்வேறு பகுதிகளில் இடி-மின்னலுடன் கனமழை பெய்தது. பின்னர், நள்ளிரவு தொடங்கி அதிகாலை வரை மழை வெளுத்து வாங்கியது.
தூத்துக்குடியில் கன மழையால் மாவட்ட விளையாட்டு மைதானம் தண்ணீர் தேங்கி கடல் போல் காட்சி அளிக்கிறது. மேலும், கால்பந்து மைதானம், கைப்பந்து மைதானம், கூடைப்பந்து மைதானம் அனைத்தும் நீரில் மூழ்கியுள்ளது. இதனால் விளையாட்டு பயிற்சிகள் எதுவும் நடைபெறவில்லை. மேலும், நடைபயிற்சிக்கு மக்களை அனுமதிக்கவில்லை. மாநகராட்சி நிர்வாகம் தண்ணீரை அகற்ற நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.
