ஏரல் அருகே செங்கல் சேம்பரில் மின்சாரம் தாக்கி மெஷின் ஆபரேட்டர் பரிதாபமாக இறந்தார்.
தூத்துக்குடி மாவட்டம், ஏரல் அருகே உள்ள கொட்டாரக்குறிச்சி அண்ணா நகரைச் சேர்ந்தவர் சுடலை மகன் லட்சுமணன் (41) இவர் ஏரல் புதுமனையில் உள்ள சேம்பரில் செங்கல் அறுக்கும் மெஷினில் ஆபரேட்டராக பணிபுரிந்து வருகிறார். இவர் இன்று காலை சுமார் 5 மணி அளவில் மெஷினில் வேலை செய்து கொண்டிருந்தபோது மின்சாரம் தாக்கி பலத்த காயமடைந்தார்.
உடனடியாக அவரை ஏரல் அரசு மருத்துவமனைக்கு கொண்டு சென்றனர். அங்கு பரிசோதனை செய்த டாக்டர் அவர் ஏற்கனவே இறந்து விட்டதாக தெரிவித்தனர். பின்னர் அவரது உடல் பரிசோதனைக்காக இவரது உடல் தூத்துக்குடி அரசு மருத்துவமனைக்கு கொண்டு செல்லப்பட்டது. இந்த சம்பவம் குறித்து ஏரல் காவல் நிலைய போலீசார் வழக்கு பதிவு செய்து விசாரணை நடத்தி வருகின்றனர்.
