தூத்துக்குடியில் குமிழ் முனை பதிப்பகத்தின் சார்பில் புத்தக வெளியீட்டு விழா நடைபெற்றது.
தூத்துக்குடி அழகப்பா பல்கலைக்கழகம் மாடியில் குமிழ் முனை பதிப்பகத்தின் சார்பில் புத்தக வெளியீட்டு விழா நடைபெற்றது. ஆயிரம் பொன் அரவிந்த் எழுதிய பிழைத்தது பட்டாம்பூச்சி என்ற கவிதை நூலை ஓய்வுபெற்ற தூத்துக்குடி ஆல் இந்தியா ரேடியோ இயக்குனர் ராதாகிருஷ்ணன் வெளியிட்டார். வள்ளிநாயகி ஏற்புரை வழங்கினார்.
தொடர்ந்து புத்தகம் வாசிப்பு நற்பணி மன்றத்தின் சார்பில் இலக்கிய பந்தி நிகழ்வு நடைபெற்றது. அகநானூறு காதலி இயற்கை என்ற தலைப்பில் எழுத்தாளர் மாரிமுத்து, பெண்கள் என்ற தலைப்பில் செல்வி ஐஸ்வர்யா,பிரிவு என்ற தலைப்பில் குமிழ் முனை புத்தக வண்டி நிறுவனர் சைமன் உரையாற்றினர்.
இலக்கிய ஆர்வலர் பத்மநாதன் நன்றியுரை ஆற்றினார். நிகழ்ச்சிக்கான ஏற்பாடுகளை கலையின் குரல் நிறுவனர் கலை வளர்மணி சக்திவேல் குமிழ்முனை பதிப்பக உரிமையாளர் சைமன், நிறுவனர் சக்திவேல் மாவட்ட புத்தக வாசிப்பு நற்பணி மன்ற தலைவர் மாரிமுத்து ஆகியோர் செய்திருந்தனர். இந்நிகழ்வில் மணிவண்ணன், செல்வின் உட்பட பலர் கலந்து கொண்டனர்.
