ஆறுமுகநேரியில் கிணற்றில் குதித்து வாலிபர் தற்கொலை செய்துகொண்ட சம்பவம் குறித்து போலீசார் விசாரணை நடத்தி வருகின்றனர்.
தூத்துக்குடி மாவட்டம் ஆறுமுகநேரி காணியாளன் தெருவைச் சேர்ந்தவர் ஆசீர்வாதம் மகன் ராஜா (40) இவருக்கு திருமணமாகி முத்துச்செல்வி என்ற மனைவியும் 3 மகன்களும் உள்ளனர். இவர் சென்ட்ரிங் வேலை பார்த்து வருகிறார். கடந்த சில மாதங்களுக்கு முன்பு அவருக்கு மனநிலை பாதிப்பு ஏற்பட்டதாக கூறப்படுகிறது.
இந்நிலையில் இன்று காலை 6 மணி அளவில் வீட்டில் இருந்து பைக்கை எடுத்துக் கொண்டு வெளியே சென்றவர் பின்னர் வீடு திரும்பவில்லை. அவருடைய மனைவி தேடி சென்றபோது அங்குள்ள கிணற்றில் குதித்து தற்கொலை செய்து கொண்டது தெரியவந்தது. இது குறித்து தகவல் அறிந்த திருச்செந்தூர் தீயணைப்புத் துறையினர உடலை மீட்டனர். மேலும் சம்பவம் குறித்து ஆறுமுகநேரி போலீசார் வழக்கு பதிவு செய்து விசாரணை நடத்தி வருகின்றனர்.
