தூத்துக்குடி திருமணி ஆலயத்தில் சித்திரைத் திருவிழா

தூத்துக்குடி தபால் தந்தி காலனி மேற்கு பகுதி திருமணி ஆலயத்தில் சித்திரைத் திருவிழா 3 நாட்கள் நடைபெற்றது

முதல் நாள் 11ஆம் தேதி கொடி ஏற்றத்துடன் படை கஞ்சி வழங்கப்பட்டது இரவு சிறப்பு பூஜை நடந்தது. இரண்டாம் நாள் 12ஆம் தேதி காலை செட்டியா பத்து ஐந்து வீட்டு பெரியசாமி ஆலயத்திலிருந்து தீர்த்தம் கொண்டுவரப்பட்டது. இரவு பௌர்ணமி தின திருவிளக்கு பூஜை நடந்தது.

மூன்றாம் நாள் 13ஆம் தேதி காலை புனித தீர்த்தம் கொண்டு ஸ்ரீ துளசி பெருமாள் ஸ்ரீ வர்ணி அம்மாள் ஸ்ரீ ஆத்திச்சாமி ஸ்ரீ ஆஞ்சநேயர் ஸ்ரீ தசவாதார மூர்த்திகள் ஸ்ரீ துளசி விநாயகர் 8 பட்டம் கொண்ட கல் தூண் ஆகியோருக்கு விசேஷ வருஷாபிஷேகம் நடைபெற்றது.

தொடர்ந்து திருமணி அன்பர்களின் கூட்டு பணிவிடை பின் அன்னதானம் நடைபெற்றது. நிகழ்ச்சி ஏற்பாடுகளை கோயில் பூசாரியும் தொல்லியல் ஆர்வலர் மான பெ. ராஜேஷ் செல்வரதி மற்றும் திருமணி அன்பர்கள் செய்திருந்தனர்.