தூத்துக்குடி வடக்கு மாவட்ட திமுக அவசர செயற்குழு கூட்டம் வருகிற 16ம் தேதி கலைஞர் அரங்கத்தில் வைத்து நடைபெறுவதாக அமைச்சரும், வடக்கு மாவட்ட திமுக செயலாளருமான கீதாஜீவன் தெரிவித்துள்ளார்.
தூத்துக்குடி வடக்கு மாவட்ட திமுக அவசர செயற்குழு கூட்டம் வருகிற 16ம் தேதி வெள்ளிக்கிழமை காலை 9.30 மணி அளவில் தூத்துக்குடி எட்டையாபுரம் ரோட்டில் உள்ள கலைஞர் அரங்கத்தில் வைத்து நடைபெறுகிறது. மாவட்ட அவைத்தலைவர் செல்வராஜ் தலைமை தாங்குகிறார். திமுக துணை பொதுச்செயலாளரும், பாராளுமன்ற குழுத்தலைவருமான கனிமொழி கருனாநிதி எம்.பி., கலந்து கொண்டு சிறப்புரையாற்றுகிறார்.
கட்சி வளர்ச்சிப்பணிகள் குறித்த இந்த கூட்டத்திற்கு மாநில அணி துணைச் செயலாளர்கள், மாவட்ட நிர்வாகிகள், தலைமை செயற்குழ், பொதுக்குழு உறுப்பினர்கள், ஒன்றிய பகுதி பேரூர் கழக செயலாளர்கள், சார்பு அணிகளின் மாவட்ட அமைப்பாளர்கள் மற்றும் சிறப்பு அழைப்பாளர்கள் கலந்து கொள்ளுமாறு அமைச்சரும், வடக்கு மாவட்ட திமுக செயலாளருமான கீதாஜீவன் தெரிவித்துள்ளார்.
