மாப்பிள்ளையூரணி பகுதியில் சீரான குடிநீர் வழங்க நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.
நாங்கள் மாப்பிள்ளையூரணி கிராம எல்லைக்குற்பட்ட ஜாஹிர் உசேன் நகர் பகுதியில் 250 குடும்பங்களுக்கு வசித்து வருகிறோம். இந்த பகுதிகளில் உள்ள தெருக் குழாய்களில் கடந்த சில வருடங்களாகவே குடிநீர் விநியோகம் சீராக வருவதில்லை. மூன்று நாட்களுக்கு ஒரு முறை தண்ணீர் வருகிறது.
அதிலும் சில குழாய்களில் தண்ணீர் சரியாக வருவதில்லை. ஆனால் சில முறைகள் 10 நாட்களுக்கு மேலாக தொடர்ச்சியாக தண்ணீர் விநியோகம் செய்வதில்லை. அந்நாட்களில் தண்ணீர் இல்லாமல் மிகப்பெரும் துயரை எதிர்கொள்கிறோம். ஆகவே குடிநீர் பிரச்சனைக்கு ஆட்சியர் உரிய நடவடிக்கை எடுக்க வேண்டும் என்று கோரிக்கை விடுத்துள்ளனர்.
