தூத்துக்குடி அருகே கோயில் உண்டியலை உடைத்து பணத்தைத் திருடிய வழக்கில் 2 பேரை போலீசார் கைது செய்தனர்.
தூத்துக்குடி அருகே உள்ள மேலகூட்டுடன்காடு பகுதியில் செந்தட்டி அய்யனார் கோயில், சுடலைமாட சுவாமி கோயில் ஆகியவை அமைந்துள்ளன. இந்த கோயில்களில் புதன்கிழமை இரவு புகுந்த மர்ம நபர்கள் உண்டியல்களை உடைத்து பணத்தை திருடி சென்றுவிட்டதாகக் கூறப்படுகிறது.
இது குறித்த புகாரின் பேரில் புதுக்கோட்டை போலீசார் வழக்குப்பதிவு செய்து விசாரணை மேற்கொண்டனர். அதில், கீழ செக்காரக்குடியைச் சேர்ந்த ஓம்முருகா(30), வெள்ளையப்பன்(25) ஆகியோருக்கு தொடர்பிருப்பது தெரியவந்தது. அவர்கள் இருவரையும் போலீசார் கைது செய்து விசாரித்து வருகின்றனர்.
