நாசரேத் பகுதிகளில் உள்ள தேவாலயங்களில் புனித வெள்ளியை முன்னிட்டு சிறப்பு பிரார்த்தனை நடைபெற்றது. திரளான கிறிஸ்தவ மக்கள் பங்கேற்றனர்.
ஆண்டுதோறும் கிறிஸ்தவர்கள் அனுசரிக்கும் தபசு காலத்தின் இறுதி வாரத்தின் வெள்ளி கிழமை புனித வெள்ளியாக கிறிஸ்தவர்கள் வழிபாடு செய்து வருகின்றனர். இதே போல் ஓர் நாளில் இயேசு கிறிஸ்து கொல்கொதா இடத்தில் சிலுவையில் தொங்கினார். அந்த சமயத்தில் சிலுவையில் இயேசு சொன்ன 7 வார்த்தைகளை கூறினார். அதை தியானிக்கும் விதமாக இன்றைய நாளை கிறிஸ்தவர்கள் மும்மணி தியான ஆராதனை என்று சிஎஸ்ஐ தேவாலயங்களில் ஒன்று கூடி தியானம் பண்ணி வழிபடுகின்றனர்.
இதனால் நாசரேத் சுற்றுவட்டாரத்தில் உள்ள அனைத்து தேவாலயங்களிலும் சிறப்பு பிரார்த்தனை நடைபெற்றன. நாசரேத் பரிசுத்த சீயோன் அசெம்பிளி ஆஃப் காட் சபையில் ஆராதனை நடைபெற்றது இதில் தலைமை போதகர் எட்வின் பிரபாகர் தலைமையில் சிறப்பு செய்தியும் பிரார்த்தனை நடைபெற்றது. சபையின் மக்கள் திரளானோர் பங்கேற்றனர்.
