தூத்துக்குடியில் வானிலை எச்சரிக்கை காரணமாக கடந்த 2 நாட்கள் கடலுக்கு செல்லாத நிலையில் இன்று விசைப்படகு மீனவர்கள் மீன்பிடிக்க கடலுக்கு சென்றனர்.
தென் தமிழக கடல் பகுதி மற்றும் மன்னார் வளைகுடா கடல் பகுதியில் சுமார் 55 கிலோமீட்டர் வேகத்தில் பலத்த காற்று வீச கூடும் என சென்னை வானிலை ஆய்வு மையம் எச்சரிக்கை விடுத்துள்ளது. இதன் காரணமாக கடந்த 2 நாட்களாக தூத்துக்குடி மாவட்டத்தில் நாட்டுப்படகு மற்றும் விசைப்படகு மீனவர்கள் கடலுக்கு மீன்பிடிக்கச் செல்லவில்லை. இந்த நிலையில் தற்போது வானிலை சீரடைந்துள்ள நிலையில், இன்று 36 விசைப்படகுகளில் மீனவர்கள் கடலுக்கு மீன்பிடிக்க சென்றனர்.
