தூத்துக்குடியில் ரயிலில் வெளிமாநில மதுபாட்டில்களை கடத்தி வந்த வாலிபரை போலீசார் கைது செய்தனர்.
தூத்துக்குடி ரயில் நிலையத்தில் இன்று காலை 10 மணிக்கு மைசூரில் இருந்து வந்த விரைவு ரயிலில் இருப்புப்பாதை காவல் நிலைய சப் இன்ஸ்பெக்டர் மகா கிருஷ்ணன் தலைமையிலான போலீசார் சோதனை செய்தனர். அப்போது ஒரு பயணியின் பையை சோதனை செய்ததில் அவர் மது பாட்டில்கள் கடத்தி வந்தது தெரியவந்தது.
விசாரணையில் அவர் சேர்வைக்காரனமடம், மேலத் தெருவைச் சேர்ந்த வெள்ளையா மகன் முத்துக்குமார் (28) என்பதும் பெங்களூரில் இருந்து மதுபாட்டில்களை கடத்தி வந்ததும் தெரியவந்தது. இதையடுத்து போலீசார் அவரை கைது செய்து அவரிடம் இருந்த 24 மது பாட்டில்களையும் பறிமுதல் செய்தனர். இந்த சம்பவம் ரயில் நிலையத்தில் பயணிகள் மத்தியில் பரபரப்பை ஏற்படுத்தியது.
