பேய்க்குளம் அருகே வயலில் தண்ணீர் பாய்ச்ச சென்ற விவசாயி மின்சாரம் தாக்கி பரிதாபமாக உயிரிழந்தார்.
தூத்துக்குடி மாவட்டம், பேய்க்குளம் அருகே உள்ள வசவப்பநேரியை சேர்ந்தவர் பெருமாள் மகன் செல்வகுமார். இவர் தனது வயலில் தண்ணீர் பாய்ச்சுவதற்காக நேற்று மாலை சென்றுள்ளார். வயலில் மின்வாரியத்திற்கு சொந்தமான மின் வயர் அறுந்து கிடந்துள்ளது.
அறுந்து கிடந்த மின் வயரை தெரியாமல் செல்வகுமார் மிதித்ததனால் சம்பவ இடத்திலேயே மின்சாரம் தாக்கி உயிரிழந்தார். இதுகுறித்து சேரகுளம் காவல்துறையினர் வழக்குப் பதிந்து விசாரணை மேற்கொண்டு வருகின்றனர். இது அப்பகுதி மக்களிடையே பெரும் பரபரப்பு உண்டாக்கி உள்ளது
