தூத்துக்குடியில் சாலையில் சென்று கொண்டிருந்தபோது, மாடு குறுக்கே வந்ததால் பைக் விபத்துக்குள்ளாகி வாலிபர் பரிதாபமாக இறந்தார்.
தூத்துக்குடி கிரேஸ்வரம் மாதவன் நாயர் காலனியைச் சேர்ந்தவர் திருமுருகன் மலைச்சாமி மகன் பாலமுருகன் (38), மீனவர் ஆன இவர் தூத்துக்குடி புதிய துறைமுகம் மதுரை பைபாஸ் ரோட்டில் பைக்கில் சென்று கொண்டிருந்தார். அப்போது குறுக்கே வந்த ஒரு மாடு இவரது பைக் மீது மோதியது.
இதில் பைக் நிலை தடுமாறி படுகாயம் அடைந்த பால முருகனை தூத்துக்குடி அரசு மருத்துவமனையில் கொண்டு சென்றனர். அங்கு சிகிச்சை பலனளிக்காமல் பரிதாபமாக நேற்று இரவு இறந்தார். இந்த சம்பவம் குறித்து தெர்மல்நகர் காவல் நிலைய இன்ஸ்பெக்டர் ஷோபா ஜென்சி வழக்கு பதிவு செய்து விசாரணை நடத்தி வருகிறார்.
