தூத்துக்குடி பார் அசோஷியேசன் தேர்தல்: வேட்பு மனு தாக்கல் தொடங்கியது

தூத்துக்குடியில் பார் அசோஷியேசன் தேர்தல் வருகிற 30ஆம் தேதி நடைபெற உள்ளது. இதற்கான வேட்பு மனு தாக்கல் இன்று தொடங்கியது.

தூத்துக்குடி மாவட்ட நீதிமன்றங்களில் பணியாற்றும் வழக்கறிஞர்கள் உறுப்பினர்களாக உள்ள தூத்துக்குடி பார் அசோசியேசன் அமைப்பு உள்ளது. இதில், தலைவர், துணை தலைவர், செயலாளர், இணை செயலாளர், பொருளாளர் மற்றும் 7 நிர்வாக குழு உறுப்பினர்கள், மற்றும் 7 செயற்குழு உறுப்பினர்கள் பதவிகள் உள்ளன.

நடப்பு 2025-26ம் ஆண்டு பதவிக்காலத்துக்கான நிர்வாகிகள் தேர்தல் ஏப்.3ஆம் தேதி அறிவிக்கப்பட்டுள்ளது. இதன்படி இன்று வேட்பு மனு தாக்கல் தொடங்கியுள்ளது. காலை 10:00 முதல் மாலை 3:00 மணி வரை வேட்பு மனுக்கள் பெறப்படும். இன்று மாலை மனுக்கள் பரிசீலனையும், 9ம் தேதி மனுக்கள் வாபஸ் பெறுவதற்கான நாளாக அறிவிக்கப்பட்டுள்ளது.

30ம் தேதி வாக்குப் பதிவு நடைபெறவுள்ளது. அன்று காலை 10:00 முதல் மாலை 4:00 மணி வரை தகுதியான வாக்காளர்கள் ஓட்டுப் பதிவு செய்யலாம். அன்று மாலை 4:30 மணிக்கு மேல் வாக்கு எண்ணிக்கை நடத்தப்பட்டு முடிவுகள் அறிவிக்கப்படும்.