தூத்துக்குடி வாகைகுளம் உட்பட தமிழகத்தில் 40 சுங்கச்சாவடிகளில் சுங்க கட்டணம் உயர்வு நள்ளிரவு முதல் அமலுக்கு வந்துள்ளது.
தமிழகத்தில் 78 சுங்கச்சாவடிகளில் சுங்கக்கட்டணம் வசூலிக்கப்பட்டு வருகிறது. 1992-ம் ஆண்டு போடப்பட்ட தேசிய நெடுஞ்சாலைகளுக்கு ஏப்ரல் மாதமும், 2008ம் ஆண்டு போடப்பட்ட சாலைகளுக்கு செப்டம்பர் மாதமும் கட்டணம் உயர்த்தப்படுகிறது.
இந்நிலையில், ஏப்ரல் 1-ம் தேதி முதல் சுங்கச்சாவடிகளில் 5 முதல் 10 சதவீதம் வரை கட்டணத்தை உயர்த்தி வசூலிக்குமாறு தேசிய நெடுஞ்சாலை ஆணையம் சுற்றறிக்கை அனுப்பி இருந்தது. அதன்படி தமிழகத்தில் உள்ள 78 சுங்கச்சாவடிகளில் தூத்துக்குடி வாகைகுளம் உட்பட 40 சுங்கச்சாவடிகளுக்கு நள்ளிரவு முதல் கட்டணம் உயர்த்தப்பட்டுள்ளது.
