சாத்தான்குளம் அருகே மனைவி பிரிந்து சென்ற சோகத்தில் வாலிபர் தூக்கிட்டு தற்கொலை செய்து கொண்டார்.
தூத்துக்குடி மாவட்டம், பேய்க்குளம் அருகே உள்ள கீழ கருங்கடல் கிராமத்தைச் சேர்ந்தவர் பிச்சையா மகன் ராஜதுரை (30). இவரது மனைவி குடும்ப பிரச்சனை காரணமாக நான்கு ஆண்டுகளுக்கு முன்பு பிரிந்து அவரது தாய் வீட்டுக்கு சென்று விட்டதாக கூறப்படுகிறது. இதனால் அவர் வேலைக்கு செல்லாமல் மது அருந்தி வந்ததாக தெரிகிறது.
இந்த நிலையில் இன்று காலை வீட்டில் அவர் தூக்கிட்டு இறந்து கிடந்தது தெரியவந்தது. இது குறித்து தகவலின் பேரில் போலீசார் சம்பவ இடத்தறி்கு சென்று அவரது சடலத்தை மீட்டு அரசு மருத்துவமனைக்கு அனுப்பி வைத்தனர். இது குறித்து சாத்தான்குளம் போலீசார் வழக்கு பதிவு செய்து விசாரித்து வருகின்றனர்.
