கோவில்பட்டி அரசு மகளிர் மேல்நிலைப்பள்ளியில் தேசிய அறிவியல் தினத்தை முன்னிட்டு அறிவியல் கண்காட்சி நடந்தது.
இந்திய அறிவியல் அறிஞர் சர்.சி வி.இராமன் கண்டுபிடித்த ராமன் விளைவை உலகுக்கு அறிமுகப்படுத்திய தினமான பிப்.28ம் தேதியை தேசிய அறிவியல் தினமாக கடைபிடிக்கப்படுகிறது.கோவில்பட்டி அரசு மகளிர் மேல்நிலைப் பள்ளியில் நடந்த அறிவியல் கண்காட்சியில் பள்ளி மாணவிகள் பல்வேறு அறிவியல் படைப்புகளை கண்காட்சியில் வைத்திருந்தனர்.
இந்நிகழ்ச்சிக்கு மாவட்ட கல்வி அலுவலர் பிரபாகரன் தலைமை வகித்தார். பள்ளி தலைமை ஆசிரியை ஜெயலதா,மாவட்ட அஸ்ட்ரோ கிளப் செயலாளர் முத்து முருகன் ஆகியோர்முன்னிலை வகித்தனர். உதவி தலைமை ஆசிரியர் கண்ணன் அனைவரையும் வரவேற்றார்.
அறிவியல் கண்காட்சியை பள்ளி கல்வித்துறை இணை இயக்குனர் முனுசாமி பார்வையிட்டு பள்ளி மாணவர்களுக்கு ஆலோசனை வழங்கினார். இதில் பள்ளி அறிவியல் ஆசிரியர்கள் கோகிலா, அம்பிகா, சாந்தி, காந்திமதி, அகிலாராணி, கமலாராணி உள்பட ஆசிரியர்கள் மாணவர்கள் பலர் கலந்து கொண்டனர். முடிவில் ஆசிரியை கெங்கம்மாள் நன்றி கூறினார்.
