தூத்துக்குடியில் அளவுக்கு அதிகமாக மது குடித்த ஐஸ் கம்பெனி ஊழியர் உயிரிழந்தார்.
தூத்துக்குடி வி.இ., ரோடு, அந்தோணியார் கோவில் அருகே டாஸ்மார்க் மதுபான கடை உள்ளது. இந்த கடை அருகே சுமார் 40 வயது மதிக்கத்தக்க ஒருவர் இறந்து கிடப்பதாக தென்பாகம் காவல் நிலைய போலீசாருக்கு தகவல் கிடைத்தது. அதன் பேரில் இன்ஸ்பெக்டர் திருமுருகன் மற்றும் போலீசார் சம்பவ இடத்திற்கு சென்று உடலை மீட்டு பிரேத பரிசோதனைக்கு அனுப்பி வைத்தனர்.
போலீஸ் விசாரணையில் அவர் ஏரலைச் சேர்ந்த மாரி கிருஷ்ணன் (40) என்பதும், தூத்துக்குடி தெற்கு ராஜா தெருவில் உள்ள ஒரு ஐஸ் கம்பெனியில் கடந்த ஒரு வார காலமாக வேலை பார்த்து வந்ததும் தெரியவந்தது. சம்பவத்தன்று அளவுக்கு அதிகமாக அவர் மது குடித்துள்ளார். இதனால் அவர் மயங்கி விழுந்து இறந்து இருக்கலாம் என்று போலீஸ் விசாரணையில் தெரிந்தது. இது சம்பந்தமாக போலீசார் வழக்குப் பதிந்து விசாரணை நடத்தி வருகின்றனர்.
