டெல்லியில் 76-வது குடியரசு தின விழா பேரணியில் பங்கேற்று திரும்பிய நாகலாபுரம் சாமி அய்யா நாடார் மேல் நிலைப்பள்ளி என்.சி.சி. மாணவி சுபித்ராவுக்கு பாராட்டு விழா நடந்தது.
பள்ளிச் செயலர் மேனாள் பேராசிரியர் பால்பாண்டியன் அனைவரையும் வரவேற்றார்.தலைமை ஆசிரியை சுப்புலட்சுமி தலைமை தாங்கினார். உறவின் முறை தலைவர் காசிராஜன், .பள்ளி தலைவர் தங்கமணி, பள்ளி நிர்வாகக்குழு உறுப்பினர் மாரி கண்ணபிரான், உறவின் முறை செயலர் பாஸ்கர், பொருளாளர், வேல்முருகன் மற்றும் சென்னை சிவசக்திவேல் ஆகியோர் முன்னிலை வகித்தனர்.
தூத்துக்குடி என்.சி.சி.சுபைதார் சந்திரசேகர், முதுகலை தமிழ் ஆசிரியை உமா மகேஸ்வரி, பள்ளி புரவலர் மதிமாரியப்பன்,பள்ளி புரவலர் & உறவின்முறை உறுப்பினர், படிப்பக நிர்வாகி செல்வராஜ சோழன் ஆகியோர் கலந்து கொண்டு மாணவியை பாராட்டி வாழ்த்தி பேசினர். தொடர்ந்து பள்ளி என்.சி.சி. அதிகாரி ஜான்ஸ்டானி பள்ளி மாணவி சுபித்ராவுக்கு தங்கப்பதக்கம் வழங்கியும், மேனாள் மாவட்ட பஞ்சாயத்து துணைத் தலைவர் தெய்வேந்திரன் நினைவு பரிசு வழங்கியும் பாராட்டினர்.
மேனாள் பள்ளி செயலர் திராவிடமணி, சென்னை சொர்ண மாரிப்பாண்டியன், ராமர், முருகேச பாண்டியன், சந்திரன் ஆகியோர் கலந்து கொண்டு மாணவிக்கு மகுடம், ரொக்கப்பரிசு, பொன்னாடை அணிவித்து பாராட்டினர். மாணவி சுபித்ரா டில்லியில் நடந்த குடியரசு பேரணியில் பங்கு பெற்றது பிரதமர் மோடியிடம், தமிழக கவர்னரிடம் மற்றும் என்.சி.சி. உயர் அதிகாரிகளிடம் வாழ்த்துக்களையும், பாராட்டுக்களையும் விவரித்து நன்றி கூறி பேசி ஏற்புரை நிகழ்த்தினார். முடிவில் பள்ளி என்.எஸ்.எஸ். அதிகாரி கவுதமன் நன்றி கூறினார்.
