திருச்செந்தூரில் 42வது வணிக அதிகார பிரகடன மாநாடு குறித்து தெற்கு மாவட்ட வணிகர் சங்கங்களின் பேரமைப்பு ஆலோசனைக் கூட்டம் நடைபெற்றது.
தமிழ்நாடு வணிகர் சங்கங்களின் பேரமைப்பின் 42வது வணிக அதிகார பிரகடன மாநாடு குறித்து தூத்துக்குடி தெற்கு மாவட்ட ஆலோசனைக் கூட்டம் திருச்செந்தூர் ராஜ் மஹாலில் நடந்தது. மாவட்ட தலைவர் பாஸ்கர் தலைமை வகித்தார். மண்டல தலைவர் ராதாகிருஷ்ணன் முன்னிலை வைத்தார். திருச்செந்தூர் அனைத்து வணிகர் நல சங்க தலைவர் பாரதி சுரேஷ் வரவேற்று பேசினார். தமிழ்நாடு வணிகர் சங்கங்களின் பேரமைப்பு மாநில தலைவர் விக்கிரம ராஜா கலந்து கொண்டு பேருரை ஆற்றினார். மாநில செயலாளர் கோவிந்தராஜுலு, பொருளாளர் சதக்கத்தூல்லா, தலைமைச் செயலாளர் ராஜ்குமார் ஆகியோர் சிறப்புரையாற்றினர்.
மாநில செய்தி தொடர்பாளர் பாண்டியராஜன், துணைத் தலைவர் வெற்றி ராஜன், மாநில இணை செயலாளர் தசரத பாண்டியன், ஜெபஸ்திலகராஜ், பீட்டர், கன்னியாகுமரி மண்டல தலைவர் வைகுண்டராஜன், மாவட்ட செயலாளர் கண்ணன், பொருளாளர் அருணாச்சலம் ஆகியோர் வாழ்த்தி பேசினர். சிறப்பு அழைப்பாளர்களாக சந்திரன், நாராயணன், அருள்ராஜா, தங்கராஜ் உள்பட பலர் கலந்து கொண்டனர். திருச்செந்தூர் அனைத்து வணிகர் நலச்சங்க செயலாளர் கவாஸ்கர் அன்பளிப்பு வழங்கினார். பொருளாளர் ஜாபர் அலி நன்றி கூறினார். கூட்டத்திற்கான ஏற்பாடுகளை இளைஞர் அணி அம்ரோஸ் செய்திருந்தார்.
