வேலையில்லாத விரக்தியில் பூசாரி தற்கொலை

திருச்செந்தூா் அருகே வேலையில்லாத விரக்தியில் பூசாரி தூக்கு போட்டு தற்கொலை செய்து கொண்டாா்.

இதுகுறித்து போலீஸ் தரப்பில் கூறப்படுவதாவது : தூத்துக்குடி மாவட்டம், திருச்செந்தூா் அருகே தேரிக்குடியிருப்பைச் சோ்ந்த வேலுபிள்ளை மகன் ஐயப்ப சண்முகம் (48). கோவில் பூசாரியான இவருக்கு மனைவி, 2 மகன்கள் உள்ளனா். ஐயப்பசண்முகம் வேலையில்லாததால் விரக்தியில் இருந்தாராம்.

கடந்த பிப். 14ஆம் தேதி இவரது மனைவி திருச்செந்தூரில் உள்ள கணினிப் பயிற்சி மையத்துக்குச் சென்றுவிட்டு வீடு திரும்பினாா். அப்போது, ஐயப்ப சண்முகம் மின்விசிறியில் வேட்டியால் தூக்கிட்டுத் தற்கொலை செய்தது தெரியவந்ததாம்.தகவலின்பேரில், திருச்செந்தூா் தாலுகா போலீசார் வந்து சடலத்தைக் கைப்பற்றி கூறாய்வுக்காக அனுப்பிவைத்தனா்; மேலும், வழக்குப் பதிந்து விசாரணை நடத்தி வருகின்றனா்.