ஓட்டப்பிடாரம் அருகே திருமணம் ஆகாத விரக்தியில் லாரி டிரைவர் தூக்குபோட்டு தற்கொலை செய்து கொண்டார்.
தூத்துக்குடி மாவட்டம் ஓட்டப்பிடாரம் அருகிலுள்ள மேல மீனாட்சிபுரம் கிழக்குத் தெருவைச் சேர்ந்தவர் தங்கதுரை மகன் சுபாஷ் (27), லாரி டிரைவர். இவரது பெற்றோர் கடந்த ஒரு ஆண்டுக்கு முன் இறந்து விட்டார்களாம். மேலும் இவருக்கு திருமணம் ஆகவில்லை.
திருமணமாகாததால் தனிமையில் வாழ்ந்த அவர் மன விரக்தியில் இருந்தாராம். இந்நிலையில் நேற்று தனது வீட்டில் தாயின் சேலையால் தூக்கு போட்டு தற்கொலை செய்து கொண்டார். இந்த சம்பவம் குறித்து ஓட்டப்பிடாரம் காவல் நிலைய போலீசார் வழக்குப் பதிந்து விசாரணை நடத்தி வருகின்றனர்.
