கோவில்பட்டி அருகே முதியவரிடம் கத்தியைக் காட்டி மிரட்டி பணம் பறித்ததாக 2 பேரை போலீசார் கைது செய்தனர்.
தூத்துக்குடி மாவட்டம், கோவில்பட்டி அருகே உள்ள வடக்குத் திட்டங்குளம் பகுதியைச் சோ்ந்த சுப்பையா மகன் வேலுச்சாமி (61). தொழிலாளியான இவா், சம்பவத்தன்று இலுப்பையூரணி மாடசாமி கோயில் அருகே நடந்து சென்றபோது 2பேரை அவரை வழிமறித்து கத்தியைக் காட்டி மிரட்டி மது குடிப்பதற்காக ரூ.300-ஐ பறித்துச் சென்றனராம்.
அப்பகுதியினா் சத்தம் போட்டதும் அந்த இருவரும் தப்பியோடிவிட்டனா். இதுகுறித்து புகாரின்பேரில், கிழக்கு காவல் நிலைய போலீசார் வழக்குப் பதிந்து, வடக்கு புதுகிராமம் 2ஆம் தெருவைச் சோ்ந்த முத்தையா மகன் கஜேந்திரன் என்ற கஜி (51), மூக்கரை விநாயகா் கோயில் தெரு, துரைராஜ் காம்பவுன்டு தா்மராஜ் மகன் துரைராஜ் (34) ஆகிய இருவரை கைது செய்து விசாரணை நடத்தி வருகின்றனர்.
