புளியம்பட்டி அந்தோனியார் ஆலய திருவிழாவுக்கு சென்ற வாலிபர் கிணற்றில் மூழ்கி இறந்த சம்பவம் சோகத்தை ஏற்படுத்தியுள்ளது.
தூத்துக்குடி கோவில்பிள்ளை விளை தெருவைச் சேர்ந்தவர் சண்முகசாமி மகன் மதன் (27), இவர் தனது குடும்பத்துடன் புளியம்பட்டி அந்தோணியார் கோவில் திருவிழாவிற்கு சென்றிருந்தார். இன்று மதியம் ஓட்டுடன்பட்டி கிராமத்தில் உள்ள ஒரு கிணற்றில் நண்பர்களுடன் குளித்துக் கொண்டிருந்த போது திடீரென தண்ணீரில் மூழ்கியவர் பரிதாபமாக இறந்தார்.
இந்த சம்பவம் குறித்து தகவல் அறிந்த புளியம்பட்டி காவல் நிலைய போலீசார் சம்பவ இடத்திற்கு சென்று மதன் உடலை மீட்டு பரிசோதனைக்காக நெல்லை அரசு மருத்துவமனைக்கு அனுப்பி வைத்தனர். மேலும் இது சம்பந்தமாக வழக்கு பதிவு செய்து விசாரணை நடத்தி வருகிறார்கள். இந்த சம்பவம் அப்பகுதியில் சோகத்தை ஏற்படுத்தியுள்ளது.
