தமிழ்நாடு எலும்பியல் மருத்துவர் சங்கத்தின் மாநில தலைவராக தேர்வு செய்யப்பட்ட மருத்துவர் மணிகண்டனுக்கு தூத்துக்குடி அரசு மருத்துவமனை மருத்துவர் டாக்டர் ஜேம்ஸ் சுந்தர்சிங் வாழ்த்து தெரிவித்தார்.
விழுப்புரம் சங்கமித்ரா ஆடிட்டோரியத்தில் எலும்பியல் மருத்துவர் சங்கத்தின் மாநில கருத்தரங்கம் 3 நாட்கள் நடைபெற்றது. இதில், சங்கத்தின் புதிய நிர்வாகிகள் தேர்வு செய்யப்பட்டனர். இதில் மாநில தலைவராக திருநெல்வேலி அரசு மருத்துவக் கல்லூரி மருத்துவமனையின் முடநீக்கியல் துறைத் தலைவர் மருத்துவர் என்.மணிகண்டன் தேர்வு செய்யப்பட்டார்.
விழாவில், தூத்துக்குடி அரசு மருத்துவக்கல்லூரி மருத்துவமனை எலும்பு முறிவு மற்றும் முடநீக்கியல் மருத்துவரும், பேராசிரியருமான டாக்டர் ஜேம்ஸ் சுந்தர்சிங் கலந்து கொண்டு மாநில தலைவராக தேர்வு செய்யப்பட்ட டாக்டர் மணிகண்டனுக்கு பொன்னாடை போர்த்தி வாழ்த்து தெரிவித்தார். கருத்தரங்கில் தமிழகம் முழுவதும் இருந்து 1500க்கும் மேற்பட்ட முடநீக்கியல் மருத்துவர்கள் கலந்து கொண்டனர்.
