தூத்துக்குடியில் பல்வேறு பகுதிகளில் நடைபெற்ற திமுக பாக முகவர்கள் கூட்டத்தில் வடக்கு மாவட்ட செயலாளர் அமைச்சர் கீதாஜீவன் பங்கேற்று கட்சி வளர்ச்சிப் பணிகள் குறித்து உரையாற்றினார்.
தூத்துக்குடி திரேஸ்புரத்தில் 6 மற்றும் 7வது வார்டுகளுக்கு உட்பட்ட வாக்குச்சாவடி முகவர்கள் கூட்டம் MCF கம்பெனி வளாகத்திலும், 9 மற்றும் 23வது வார்டுகளுக்கு உட்பட்ட வாக்குச்சாவடி முகவர்கள் கூட்டம் அன்னதாய் திருமண மண்டபத்திலும், போல்பேட்டை பகுதிக்கு உட்பட்ட 1,13,14 ஆகிய வார்டுகளுக்கான பாக முகவர்கள் கூட்டம் கீதா மெட்ரிக் மேல்நிலைப் பள்ளியிலும், 20வது வார்டுக்கான பாக முகவர்கள் கூட்டம் மாவட்டக் கழக அலுவலகத்திலும், 21 மற்றும் 11வது வார்டுகளுக்கான பாக முகவர்கள் கூட்டம் கலைஞர் அரங்கிலும் நடைபெற்றது.
இக்கூட்டங்களில் சமூகநலன் மற்றும் மகளிர் உரிமைத்துறை அமைச்சரும், வடக்கு மாவட்ட செயலாளருமான கீதாஜீவன் கலந்து கொண்டு கழக வளர்ச்சி பணிகள் மற்றும் எதிர்கால செயல் திட்டங்கள் குறித்து உரையாற்றினார்.
நிகழ்ச்சியில் தொகுதி பார்வையாளர் இன்பா ரகு, மாநகர செயலாளர் ஆனந்த சேகரன், மாநகராட்சி வடக்கு மண்டல தலைவர் நிர்மல்ராஜ், வட்டச் செயலாளர்கள் கருப்பசாமி, சேகர், சுரேஷ்குமார், தினகரன், ராஜாமணி, காளிதுரை, மாமன்ற உறுப்பினர் ஜெயசீலி, மாநகர இளைஞரணி அமைப்பாளர் அருண் சுந்தர், மாநகர இளைஞரணி துணை அமைப்பாளர்கள் சங்கரநாராயணன், பிரவீன், பகுதி இளைஞரணி அமைப்பாளர் ராஜா, துணை அமைப்பாளர் எமல்டன் உள்பட பலர் கலந்து காெண்டனர்.
