தூத்துக்குடியில் பல்வேறு வழக்குகளில் தொடர்புடைய பிரபல ரவுடியை போலீசார் கைது செய்தனர். அவரிடம் இருந்து அரிவாள் பறிமுதல் செய்யப்பட்டது.
தூத்துக்குடி தென்பாகம் காவல் நிலைய சப் இன்ஸ்பெக்டர் முத்தமிழ் அரசன் மற்றும் போலீசார் நேற்று இரவு ரோந்து பணியில் ஈடுபட்டுக் கொண்டிருந்த போது மீன்பிடி துறைமுகம் உள்ளே சந்தேகத்தின் பெயரில் நின்று கொண்டிருந்த ஒரு வாலிபரை பிடித்து சோதனை செய்தனர்.
அப்போது, அவர் மறைத்து வைத்திருந்த அரிவாளை பறிமுதல் செய்தனர். விசாரணையில் அவர் தூத்துக்குடி பாத்திமா நகர் 4வது தெருவை சேர்ந்த அந்தோணிராஜ் மகன் மோகித் (21) என்பதும், பிரபல ரவுடியான அவர் மீது ஏற்கனவே 10 வழக்குகள் உள்ளதும் தெரியவந்தது.
