எட்டையாபுரம் அருகே திருமணமாகாத விரக்தியில் வாலிபர் தூக்கு போட்டு தற்கொலை செய்து கொண்டார்.
இதுகுறித்து போலீஸ் தரப்பில் கூறப்படுவதாவது : தூத்துக்குடி மாவட்டம், எட்டையாபுரம் அருகில் உள்ள இளம்புவனம் கிராமத்தைச்் சேர்ந்தவர் செல்லையா மகன் சுந்தர்ராஜ் (29), பந்தல் போடும் தொழிலாளி. இவருக்கு இவரது பெற்றோர்கள் பல இடங்களில் பெண் பார்த்தும், சரியான வரன் அமையவில்லையாம்.
இதனால் வாழ்க்கையில் வெறுப்படைந்த அவர் தனது வீட்டில் தூக்கு போட்டு தற்கொலை செய்து கொண்டார். இந்த சம்பவம் குறித்து தகவல் அறிந்த எட்டையாபுரம் காவல் நிலைய இன்ஸ்பெக்டர் நவநீதகிருஷ்ணன் சம்பவ இடத்திற்கு சென்று உடலை கைப்பற்றி பரிசோதனைக்கு அனுப்பி வைத்தார். மேலும் இது சம்பந்தமாக வழக்கு பதிவு செய்து விசாரணை நடத்தி வருகிறார்.
